Nú er hægt að stilla kerfið á svokallaða sveigjanlega nafnaleit, þar sem millinafn er hunsað. Það eykur líkurnar á að finna rétta sjúklinginn.
Til að kalla fram sjúkling sem er á skrá, velur þú flipann Sækja.
Þar getur þú leitað eftir nafni, kennitölu, númeri, heimilisfangi, símanúmeri og fleiri valforsendum. Ef enginn vafi leikur á hvers konar valforsendu þú slóst inn, skiptir forritið sjálfvirkt um svið sem leitað er eftir, t.d. Nafn, Kennitala, Póstnúmer, Númer, Símanúmer. Smelltu síðan á Sækja-takkann eða ýttu tvisvar á Enter-takkann.
Þá birtist listi yfir sjúklinga sem uppfylla skilyrðin. Þú getur raðað listanum með því að smella á yfirskrift viðeigandi dálks. Tvísmelltu á sjúklinginn sem þú vilt kalla fram (eða veldu línu með pílunum og ýttu svo á Enter).
Ef þú skráðir inn kennitölu og enginn sjúklingur fannst, birtist þessi spurning. Ef þú svarar játandi, opnast skráningarglugginn með viðkomandi kennitölu og útfyllt að hluta.
